వెరైటీ బ్రేక్ ఫాస్ట్ పెపసరపప్పు పరోటా

వెరైటీ బ్రేక్ ఫాస్ట్ పెపసరపప్పు పరోటా

కావలసిన పదార్థాలు:
గోధుమపిండి: 1cup
నూనె: 1/2cup
ఉప్పు: రుచికి తగినంత
పెసరపప్పు: 1/2 cup
జీలకర్ర: 1tsp
పసుపు: చిటికెడు
ఇంగువ: చిటికెడు
కారం: 2tsp
తయారు చేయు విధానం:
1. ముందుగా గోధుమపిండిలో కొద్దిగా నీళ్లు పోసి చపాతీ పిండిలా కలిపి పక్కన పెట్టుకోవాలి.
2. తర్వాత పొట్టులేని పెసరపప్పును కడిగి రెండు గంటపాటు నానబెట్టుకోవాలి.
3. తర్వాత పప్పులో గ్లాసునీళ్లు పోసి కుక్కర్ లో ఉడికించాలి.
4. ఇప్పుడు పాన్ లో రెండు స్పూన్ల నూనె వేసి వేడి చేసి జీలకర్ర, ఇంగువ, జోడించాలి. ఆపై ఉడించిన పెసరపప్పు, ఉప్పు, పసుపు, కారం వేసి బాగా కలపాలి. పప్పు గట్టిపడ్డాక దించేయాలి.
5. తర్వాత గోధుము పిండిని కాస్త చిన్న ఉండలా చేసి చపాతీ ఒత్తుకోవాలి. మధ్యలో పప్పుకూరను నింపి మరో చపాతీతో కప్పేయాలి.
6. ఇలా అన్ని రెడీ చేసుకొన్న తర్వాత స్టౌ మీద పాన్ పెట్టి వేడయ్యాక వాటిని నూనెతో కాల్చుకోవాలి. ఇలా రెండు వైపులా సమానంగా వేగాక తీస్తే సరి. వేడి వేడి పరోటో సిద్దం. దీన్ని ఏదేని చట్నీ లేదా కుర్మాతో తింటే చాలా రుచిగా ఉంటాయి.