ఆలూ పరోటా

కావలసిన పదార్థాలు: బంగాళదుంపలు: 2 కొత్తిమీర: ఒక కట్ట జీలకర్ర: 1tsp గరం మసాల: 1tsp పసుపు: 1tsp అల్లం వెల్లుల్లి ముద్ద: 1tbsp పచ్చిమిరపకాయలు: 4 ఉల్లిపాయలు: 2 గోధుమ పిండి: 3cups నెయ్యి లేదా నూనె: కావలసినంత ఉప్పు - రుచికి సరిపడ తయారు చేయు విధానం: 1. గోధుమ పిండిలో కొద్దిగా ఉప్పు, కొద్దిగా నూనె, నీరు పో సి తడిపి ముద్దగా చేసి పక్కన పెట్టుకోవాలి. 2. బంగాళదుంపలను మెత్తగా ఉడికించుకొని, మెత్తగా చిదిమి పెట్టుకోవాలి. 3. తర్వాత పచ్చిమిరపకాయలు, కొత్తిమీర కలిపి మిక్స్ లో వేసి పేస్ట్ చేసుకొని దాన్ని బంగాళదుంపలకు కలుపుకోవాలి. 4. ఇప్పుడు అందులోనూనెలో వేయించిన జీలకర్ర, గరం మసాల, పసుపు, అల్లం వెల్లుల్లి ముద్ద, ఉప్పు కూడా వేసి బాగా కలపాలి. అన్నీ కలుపుకున్న తరువాత చిన్న చిన్న ఉండలుగా చేసుకోవాలి. 5. గోధుమ పిండిని చిన్న చిన్న పూరీలుగా వత్తుకొని, ఒక్కొక్క దాని మధ్యలో బంగాళాదుంప ఉండను పెట్టి, నాలుగు మూలలు మడిచి, మం దంగా పెద్ద పెద్ద పూరీలుగా వత్తుకోవాలి. 6. పెనం లేదా పాన్‌ మీద నెయ్యి లేదా నూనె వేసి వేడయ్యాక ఆలూ పరోట వేసి రెండువైపులా బాగా కాల్చుకోవాలి. అంతే ఆలూ పరోట రెడీ. అవసరమైతే పల్లీల చెట్నీతో వేడివేడిగా చాలా రుచిగా ఉంటాయి.