గోరుచిక్కుళ్ల కడి

గోరుచిక్కుళ్ల కడి

కావలసినవి
గోరుచిక్కుళ్లు: పావుకిలో, సెనగపిండి: 50 గ్రా., అల్లంతురుము: టీస్పూను, టొమాటోలు: రెండు, పచ్చిమిర్చి: నాలుగు, చింతపండు గుజ్జు: 2 టేబుల్‌స్పూన్లు, కారం: అరటీస్పూను, దనియాలపొడి: టీస్పూను, ఆవాలు: అరటీస్పూను, ఎండుమిర్చి: రెండు, పసుపు: పావుటీస్పూను, ఇంగువ: పావుటీస్పూను, కరివేపాకు: 2 రెబ్బలు, ఉప్పు: తగినంత, నూనె: 4 టీస్పూన్లు

తయారుచేసే విధానం

• గోరుచిక్కుళ్లను శుభ్రంగా కడిగి అంచులు తీసేసి ముక్కలుగా కోయాలి.

• బాణలిలో 2 టీస్పూన్ల నూనె వేసి అల్లంతురుము, పచ్చిమిర్చి తురుము వేసి వేయించాలి. అందులోనే సెనగపిండి కూడా వేసి వేగాక, కారం, దనియాలపొడి వేసి కలపాలి. అందులోనే రెండు గ్లాసుల నీళ్లు పోసి పిండిని ఉండలు కట్టకుండా కలపాలి. అందులోనే గోరుచిక్కుడుకాయ ముక్కలు వేసి ఉడికించాలి. ముక్కలు బాగా ఉడికిన తరవాత టొమాటోముక్కలు, చింతపండుగుజ్జు, ఉప్పు వేసి మరికాసేపు ఉడికిం చాలి. దించే ముందు తాలింపు వేస్తే సరి.