అరటికాయ వేపుడు

కావలసిన పదార్దములు :
అరటికాయలు : రెండు
పచ్చిమిర్చి : నాలుగు
పోపు దినుసులు : రెండు టీ స్పూన్లు
(ఆవాలు ,జీలకర్ర ,మినపప్పు సెనగపప్పు )
ఎండిమిర్చి: రెండు
కరివేపాకు : రెండు రెమ్మలు
పసుపు : పావు టీ స్పూన్
ఉప్పు : తగినంత
నూనె : రెండు టేబుల్ స్పూన్లు
నిమ్మరసం : టీ స్పూన్
అల్లంవెల్లుల్లి పేస్టూ : అర టీ స్పూన్
కొత్తిమిర : కొద్దిగా

తయారుచేయు విధానం :
1) అరటికాయల్నిఒక గిన్నెలో వేసి కొద్దిగా నీళ్ళుపోసి స్టవ్ మీద పెట్టి ఉడకనివ్వాలి.
2) తరువాత వలిచి చిన్నచిన్న ముక్కలు ఉండేలా చిదపాలి.
3) ఇప్పుడు స్టవ్ వెలిగించి కళాయిపెట్టి నూనె వేడి చెయ్యాలి.
4) నూనె కాగాక, పోపు దినుసులు వేసి వేగాక, ఎండిమిర్చి, కరివేపాకు వేసి వేగాక, అల్లంవెల్లుల్లి, పచ్చి మిర్చి ముక్కలు వేసి వేగానివ్వాలి.
5) పసుపు వేసి కలిపి, చిదిమిన అరటికాయపొడిని, ఉప్పు వేసి కలిపి ఒక నిముషo మూతపెట్టి ఉంచాలి.
6) ఇప్పుడు స్టవ్ ఆపి, నిమ్మ రసం కలిపి కొత్తిమిర జల్లి వడ్డించాలి

* అంతే అరటికాయ వేపుడు రెడి. (దినినినే అరటికాయ పొడికూర అని కుడా అనొచ్చు)