వంకాయ కూర

కావలసిన పదార్ధాలు:

వంకాయలు-10 , మినపప్పు - 1/2 కప్పు , జీలకర్ర - 1 1/2 టేబుల్ స్పూన్లు , ఎండుమిర్చి - 5, చింతపండురసం- 1/4 కప్పు , ఉప్పు - రుచికి తగినంత , బెల్లం(ఇష్టమైతే) - చిన్నముక్క , పసుపు - చిటికెడు , నునె - 1/4 కప్పు , పచ్చికొబ్బరి - చిన్నముక్క .

తయారు చేసే పధ్ధతి:

ఒక గిన్నెలో నీళ్ళు పోసి 1 చెంచా ఉప్పు వేసి వంకాయలని పొడుగ్గా ముక్కలు తరగాలి . స్టవ్ వెలిగించి బాణలి పెట్టి1 టేబుల్ స్పూను నునె వేసి వేడెక్కాకా మినపప్పు , ఎండుమిర్చి , జీలకర్ర , సన్నగా తరిగిన పచ్చికొబ్బరి వేసి ఎర్రగావేగాకా డిష్ లోకి తీసి చల్లారాకా మెత్తటి పొడిలా చేయాలి . స్టవ్ మీద బాణలి పెట్టి నునె పోసి వేడెక్కాకా నీళ్ళు వోడ్చిన  వంకాయముక్కలు ,  ఉప్పు , పసుపు , బెల్లం , చింతపండురసం వేసి మూత పెట్టి సన్నటి సెగ మీద ఉడికించాలి . కూర మెత్తబడి దగ్గరగా అయ్యాకా గ్రైండ్ చేసిన పొడి వేసి కలిపి డిష్ లోకి తీసుకోవాలి .