బియ్యప్పిండి - గ్లాసు, ఉలవలు - అరగ్లాసు, ఉప్పు - సరిపడా, నూనె - అరకప్పు, జీలకర్ర - చెంచా, పచ్చిమిర్చి - రెండు, కొత్తిమీర - కట్ట.
తయారీ:
ఉలవల్ని మూడుగంటల ముందుగా నానబెట్టుకోవాలి. తరవాత ఉడికించుకుని తీసుకోవాలి. బాణలిలో ఒకటిన్నర గ్లాసు నీళ్లు పోసి పొయ్యిమీద పెట్టాలి. అందులోనే ఉప్పూ, జీలకర్రా, తరిగిన పచ్చిమిర్చీ, కొత్తిమీర వేయాలి. నీళ్లు మరుగుతున్నప్పుడు ఉడికించిన ఉలవలు వేయాలి. రెండునిమిషాల తరవాత దింపేయాలి. ఈ నీటిని బియ్యప్పిండిలో కొద్దికొద్దిగా వేసుకుంటూ గట్టి ముద్దలా కలపాలి. ఇప్పుడు పెనాన్ని పొయ్యిమీద పెట్టి, దానికి కొద్దిగా నూనె రాయాలి. పెనం వేడయ్యాక మంట తగ్గించి.. ఈ పిండిని కొద్దిగా తీసుకుని చేత్తో రొట్టెలా తట్టుకుని పెనంపై వేసి కొద్దికొద్దిగా నూనె వేసుకుంటూ రెండువైపులా కాల్చుకోవాలి. ఇలా మిగిలిన పిండినీ చేసుకోవాలి.
0 comments:
Post a Comment