స్టఫ్డ్ భేండీ

కావలసిన పదార్థాలు :
బెండకాయలు - అర కిలో
జీలకర్ర - 1 టీ స్పూన్
ఆవాలు - అర టీ స్పూన్
జీలకర్ర పొడి - ఒక స్పూన్
ధనియాల పొడి - ఒక స్పూన్
ఆమ్‌చూర్ పౌడర్ - ఒక టీ స్పూన్
పచ్చిమిరపకాయలు - 2
కారం - ఒక టీ స్పూన్
పల్లీలు - అర కప్పు
పసుపు - అర టీ స్పూన్
కరివేపాకు - 4 రెమ్మలు
ఉప్పు, నూనె - తగినంత తయారు చేసే విధానం :
పల్లీలను పొడి చేసుకోవాలి. దీంట్లో జీలకర్ర పొడి, ధనియాలపొడి, ఆమ్‌చూర్ పౌడర్, కారం వేసి బాగా కలపాలి. ఇప్పుడు బెండకాయలను కడిగి పెద్ద, పెద్ద ముక్కలుగా కట్ చేసుకోవాలి. అంతేకాదు.. ఆ ముక్కలకు ఒక వైపు గాటు పెట్టాలి. దీంట్లో పల్లీలతో చేసిన పొడిని కూరుకోవాలి. ఇలా అన్ని ముక్కల్లో ఆ పొడిని కూరాలి. ఇప్పుడు కడాయిలో నూనె పోసి ఆవాలు, జీలకర్ర, కరివేపాకు, పచ్చిమిరపకాయలను వేసి వేగనివ్వాలి. తర్వాత పసుపు, ఆపై స్టఫ్ చేసుకున్న బెండకాయ ముక్కలను కూడా వేసి కలపాలి. ఐదు నిమిషాల తర్వాత ఉప్పు వేసి సన్నని మంట మీద మరికాసేపు ఉంచాలి. ముక్కలు మెత్తగా అయితే కూర దించేయొచ్చు. స్టఫ్డ్ భేండీ సర్వ్ చేయడానికి తయారయినట్లే!